GRAP GRAP

► PIARA BEBEK

Hari minggu siang di Tondano, Utu da santai2 bauni TV diruang tenga
kong de pe Papa bataria…
Papa: UTUUU…kamari ngana, bli akang roko voor
Papa…ngana ambe tu doi pa ngana pe mama pe dompet…
Utu stel pongo.
Papa: UTUUU..ngana da dengar Papa da bilang tadi…bli roko dulu ngana…
Utu (akhirnya manyao): Da bauni Pa…
Papa: UTUUU…Papa bilang sekarang, sana ngana bli roko voor Papa…
Utu: Nanti jo Pa, basore le sadiki, panas diluar..
Papa: Ooo pe soe le ni anak, lebe bae Papa piara bebek daripada piara pa ngana…
Utu: Iyo, piara jo Bebek, kong suru bli roko
(END)


► GOMBALAN UNGKE

Ungke baca puisi for Mientje depe pujaan hati.
Ungke: GUNUNG TINGGI
KAN KU DAKI, LAUTAN LUAS KAN KU SEBRANGI, BADAI GURUN KAN KU LALUI demi
cinta ku padamu…..
Mientje: kong kiapa nya datang dang tadi malam….?
Ungke: UJANG CHAYANK…..
(END)


► CHANNEL ANTENA SPECIAL

Opa da asik bauni TV. Opa cek channel 1 ada film Drakula, channel 2
film pocong-pocong, channel 3 film vampire. Opa heran, kiapa do ni
channel film2 hantu samua.Kong Opa pangge pa Ungke.
Opa: UNGKEE, kamari ngana.
Ungke: Kiapa Opa?
Opa: Coba ngana cek tu antena da mangada kamana?
Ungke: KUBURAN Opa…
Opa: Ooo memang kote, coba ngana seputar sadiki ka arah KODIM, siapa tau ada film Rambo.
(END)


► DIALOG AYAM DAN BEBEK

Alkisah di kintal belakang, Bebek dan Ayam sedang berchit-chat…
Bebek: Yam, berapa ngana pe tolor 1 biji?
Ayam: 1450, ngana dang Bek?
Bebek (stel sombong): 1500, makanya Yam, ngana se basar kwa sadiki ngana pe tolor, supaya bole mo jual mahal sama deng kita…
Ayam (so nafsu, stengah marah): Brenti lei Bek, cuma mo tatambah 50 perak lei, kita pe panta mo tarabe…
(END)


► MENU REMES SPECIAL

Oom Kale ada ba pasiar ke Jawa, ke Jogjakarta tepatnya. Siang-siang
so lapar, oom Kale singga di warong Nasi Remes pinggir jalan. Dia iko
maso kong so babalia menu. Nda berapa lama ibu pelayan warong datang pa
Oom Kale pe meja.
Ibu pelayan: Selamat siang Pak, mau pesen apa?
Oom Kale: ini ada *sambil ba tunjung salah satu menu*
Ibu pelayan: Ooo telor remes? ada pak…Mau?
Oom Kale (malo2): Iyo mau, maar pelang-pelang nee…
(END)


► INDOMIE MALAM MALAM

So tenga malam, maar Utu nda dapa tidor lantaran depe puru so lapar
sekali. Lia di belakang so nda ada persedian mie instant. Jadi Utu
batoki malam-malam pa Ko pe warong.Utu batoki.
Ko: Siapa?
Utu: Utu ini Ko, mo ba bli…
Ko: Ooo ngana Utu, ngana tau jam berapa ini? (Sadiki grel)
Utu: Iyo, sori sori ne Ko, maar ni puru so baciki minta mie…Ada indomie Ko?
Ko: Ada, rasa apa?
Utu: Indomi kari ayam ada?
Ko: Ada, harga 1500
Utu: Indomie rasa soto ayam dang?
Ko: Ada, harga 1500
Utu: Ko, ada tu harga 500?
Ko: Ada, Indomi rasa tai ayam
(END)


► NIMAU MASO SURGA

Suatu hari minggu yang cerah, Enci Ita ada mangajar di sekolah
minggu di Gereja. Jadi sementara orang tua iko kebaktian di gereja,
dorang pe anak-anak maso sekolah minggu.Enci Ita batanya pa anak-anak.
Enci Ita: Anak-anak, coba angka tangan siapa dari ngoni yang mo maso surga?
Anak-anak bakurebe ba angka tangan sambil bataria ‘Saya, saya saya’. Cumang ada satu tu babadiam nda angka tangan.
Enci Ita: Utu, kiapa ngana nda angka tangan? Ngana nimau maso surga?
Utu: Iyo Enci, kita nda usa jo…
Enci Ita: Kiapa ngana nimau maso surga?
Utu: Papa kwa bilang kita mo maso tentara jo…
(END)


► BRAPA PULUH TAONG LALU

Suatu hari, Ungke ada pigi di toko kaset.
Ungke: Ko’, ada kaset yang “berapa puluh taon lalu”*?
Ko’: Haiyaa, disini kaset baru samua.
Ungke (ba kras): Bukang Ko’, itu tu lagu yang “papa da kase tinggal”* dang?
Ko’: Eh UNGKE…ngana dengar bae-bae ini, Ngana pe Papa nyanda pernah ada kase tinggal kaset disini!
(END)


► TENTANG TIGA TAMANG

Ada 3 tamang: Kura2, Kodok, Ulat Kaki 1000..

Dorang ad mrayakan ultah si Kura2.
Ndalama ni Kodok Tanya,"Kur,Nda ad rokok nih?
"Nda ada,Dok.Lupa beli qta..ngn pi Bli Jo Dok!kata kura2.
"Ah gila! Masa Ngn yg ultah qta yg mo pi beli.
so seno stow!!" bantah Kodok.
"qta kal jalan lama..,bagini jo,tuh Ulet Kaki 1000 jo yg bli.
Tolong ne uLat...,
"Hmmm..Ya udah gapp.mana dang tu doi..kata Ulat.
Pigi tu ulat...1 jam...2 jam...3 jam...Ulat so nda bale2.
Kodok & kura2 sO marah deng deng pastiu tu Ulat so nda baLe2..
"ada kmna ni Ulat kang, Dok?"Lama skali noh. Susulin aja yuk!" ajak si Kodok.
dong pe buka pintu mo kluar rumah..
pe takage da liat tu Ulat masih di Muka pintu, blom pigi2 Ley..
"Woy, qapa ngna dari tadi di sini? Trang da tunggu2!
Mana tu rokok?
"ngna pe roko tai babi!! qta blom beli rokok!!"tu Ulat ba Veto.
"Lahh?? 3 jam kmana ngna dang ngna nda beli2 tu rokok??" bentak si Kura2.
Tu Ulat Kaki 1000'Ley ba marah...
"Ngoni Nda Lia sO qta smentara ba pake capatu...!!!!!!"
(END)


► BERDOA SEBELUM MAKANG

ada opa di utang singa ja dusu,
pas sampe di ujung jurang, opa so nda ada jalan.
opa langsung berdoa
so 10 menit opa berdoa,opa heran.kiapa tu singa nda makang pa dia
opa langsung senang kong dia bilang
...e singa,...ngana ley ada iko berdoa deng kita
harimau:
io, kita ada berdoa sebelum makang,....
(END)


► PILU

ada ini om p anak dia ska zx mo dp gitar, mar karna dia nda ada doi mo bli gitar jdi dia j pnjam dp tmn p gitar.
dia sllu j manyanyi lagu dp[ judul "PILU" sama deng dp pa2 p nama le "PILU".
satu wktu dp pa2 so syg lia dp anak krg j b pnjam org p brg akhirx dp pa2 blg m bli akg gtr p dp anak. mar ada 1 dp syarat.
papa- ...pa2 m bli akg gitar p ngn mar dp syarat ngn nmbole mnyanyi lgiyg ad pa2 p nama.
anak- oh... io dank qt jnji p pa2 so xnda m mnyanyi lgu yg ada pa2 p nma.

akhirx dp pa2 bli akg noch. krna so dp gtr bru ini ank so jdilebe jgo toch j brmain, kong 1 wktu dia pas ada dp pa2 dia lngsung angka lagu.
lagu---- oh..... ibu ku...
itu anak p pa2 lngsung bdiri kong puji dp anak, dp pa2 lngsung blg p dia "bgtu kwa skali2 manyanyi ma2 p lagu. krna dp anak so smangat dp pujian dp anak lngsug smbung itu lagu p lnjutan "HATI KU PILU" dp pa p dngar itu lngsung mandidi dp darah, mo jdi apa le itu gitar baru lngsung plote di kapala.
(END)


► MILU

Ngoni suka yang tua....
ato suka yang Muda....
mau yang dia pe buLu lebat ato baru sadiki ...,
yang ukuran basar ato kacili...

pokox tersedia banyak ukuran...^^
harga sama deng yang pasti memuaskan...!!

HUBUNGI TUKANG JUAL MILU
(END)


► LOWONGAN PEKERJAAN

So di buka sbuah tampa karja..
for samua umur,laki²deng prempuan...
gaji Rp.20 juta/buLan
kerja sesuka hati deng bisa dimana saja...
pekerjaannya sangat Mudah....
"kiLe Mayat sampe tatawa"
(END)


► KANIKIR

Ad ni oPa Dg dP Cu" DRi manaDo mo puLang TondaNo nae bis.
sbLm tU Bis BjLg opa sRu dP cu" p BLi guLa". tRpksa dP cu" cpt" p bLi guLa" For opA.
kg sdH bis p branGkt opa suRU BkA Tu guLa".

Opa: cu,,,bKa akg Jo tU guLa".
cucu: oh iyo opA!!!
SMo smPe dRmh opa biNgo,,kpa ni guLa" dP rsA TawaR skLi.
opA: Cu,,,Kypa ni guLa" p TawaR Bgni dg???dRi manado samPe TondanO Nda dPA" Dpe maniS...?!
cucu: nnTau Le oPa!!?
oPA: no coBA Dg bcA AKng dp p pembngkuZ.
kg cucu baca dpe merek KA,NI,KIR.
(END)


► SIRANG BUNGA

"Inem.,Inem..., Inem......!!!ada ini tanta sarce ba pangge pa dia pe pembantu.
Inem: kiapa nyonya...??
MinCe: coba ngna pi siram akang dulu itu bungajang somo mati..,
Inem: mar ba ujang noh nyonya.
Mince: pe biongo skali ngna noh...,pake payung noh..!!?‌
(END)


► ANJING PANDE

Ada dua orng cwe bku lawang pande anjing.
cwe 1 : hey klo nn tahu qta p ajing p pande skli....!
cwe 2 : oh io...???
cwe 1 : io..stiap pagi itu tukang koran dtang dy langsng pigi ambe itu koran kng bwah p qta p meja mkan.
cwe 2 : ya klo itu qta sho tahu..!
cwe 1 : dri mna nn tahu..???
cwe 2 : qta p anjing kwa yang crita...
cwe 1 : ???###@#‌
(END)


► NAKAL MAR SOPAN

ini ada carita tu opa,,,,dud2 di muka rumah,,,,tunggu sadiki depe tamang lewat,,,,
opa: woi ondos mo kamana nn,,,,,,,(ondos kata depe tamang pe nama,,,)

ondos: kpa tanya2 mo iko so,,,,manjo ,,,
lantaran opa penasaran dia iko pa ondos,,,nintau kote drg pigi bauni BF,,,kong lantaran opa so nya tahang opa capat2 pulang ka ru...mah kong cari pa nenek,,,,,,
nenek: opa kapa nn sama deng orang gila,,sampe2 langsung bapolo,,,

opa: manjo oma so nda tahan qt,,,,,,,opa kase maso dia pnyax pa oma kong oma bataria,,,,,,,,,aaddooooghhhhhhh,,,,opa saki skali,,,,so dari mana nn opa ,,,kapa nn punyax so pe saki bagini ja semaso,,,,dulu nda bagitu,,,,kong opa bise pa oma,,,,,
BADIANG ORANG SOMO DENGAR,,,,QT KURANG DA LIPA DUA NI DIA
(END)


► NYANDA PERNAH BALAS

Utu, seorang murid SMP yang terkenal nakal,ditegur oleh Ibu Gurunya.
Ibu Guru : " Utu, kiapa kalamarin ngana nyanda maso skolah ?"
Utu : " Sakit, Nci !"
Ibu Guru : " Kiapa nyanda kirim surat ?"
Utu : " Percuma ! Nci kwa nyanda pernah balas...?????"‌
(END)


► SO HAMIL

Ada ni om so marah skali da dengar dia p anak so hamiL..

"sapa tu pendo da se hamil pa ngna..!!!"
(tuh om bataria kong dia p mamaLey so ba mnangis)

“pangge pa dia dtng kasini!....!!!”
ta potong pa dia....!!!

kong ni cwek ba tlp pa tuh cwok da se hamil pa dia.

srta nda lama oto ferarri brenti di mka rmh kong turun ni Laki2.
dia kase saLam kong Dia bilang''kita tuh cwok da se hamiL Om deng tanta p anak''
mar Om trus trang kta nmbLh mo kaweng deng om pe anak krna kta p maitua nda kase.

Anjrrriiiiingg deng ngna...!!
(om so Langsung nae darah)

kong ni laki2 bLang bgni ...,sabar kwa Om...,
mar biar bagituh,kta tetap mo tnggung jawab noh.
kal umpamanya dia mlahirkan kta mo kase,dua supermarket,dua hotel deng doi 5 milyar rupiah.

kaL umpamanya dia mLahirkan anak prempuan ktamo kse wasiat for dia dua buah
pabrik aren, dua buah tokoh, dua buah penginapan deng doi 10 milyar
rupiah.
mar kal umpamanya om pe anak keguguran dang...??
apa yg kta boleh beking..??!

nih Om ba pikir kong tuh tanta so brenti manangis...,
trus nih om paka pa ini Laki2 pe badan kong dia biLang,
"kaL keguguran ngna coba kasta uLang ulang noh...." !!!
(END)


► OMA KARJA APA DANG..???

Oma sementara pamer oma p foto-foto waktu muda pa depe cucu; tole’...

Tole’ : "Oma, ini foto dimana?" (difoto dapa lia oma masi muda, bermerek samua le oma da ba pake, kong ba dandan p pasung dang).

Oma : "Oh itu waktu oma di Amerika.. gaga kang oma?"

Tole’ : "Iyo eh gaga skali.. kalo yang ini dang?"

Oma : "Di Itali itu cuma nyak lama kwa waktu itu."

Tole’ : "Oh.. kalo yang ini dang?"

Oma : "Di Paris itu..."

Tole’ : "Ih.. gaga-gaga egh oma p foto, mantap e oma pigi-pigi ka luar negri trus..Banyak doi kang oma?! Oma kerja apa dang?"

Oma : "Nyanda kerja!" (dengan santai oma menjawab).

Tole’ : "Haaaaaaaaaaaaaaaaaa? Nda kerja? Kyapa boleh pigi-pigi kaluar negri dang? Jangan-jangan... jangan-jangan oma lonte (pelacur)?"

Oma : "No apa dang......!!!"
(END)


► KAYA MENDADAK

Alo jadi kaya mendadak.. tapi waktu alo jadi kaya dia jadi sombong .. pada suatu hari alo makan di rumah makan, setelah alo makan dia ingin makanan penutup....seperti buah-buahan .....!!

Alo : "Pelayan kita mo pesan buah"
pelayan : "Buah apa pak ?"
Alo : "Apa yang ada jo mar yang kita blum pernah makan neh !!"
pelayan : (bingung lalu pelayan membawa buah jambu)
Alo : "Woooiiiiii ini buah pe banyak pa kita pe muka rumah !"
pelayan : (pelayan membawa buah kadondong)
Alo : "Ohhhh ini ada pa kita pe blakang rumah !! ganti"
pelayan : (dia so pastiu kong dia bawa apel pelayan p dalam hati paling dia blum prnh makan)
Alo : (dia makan mar depe 5 detik dia buang itu apel)
pelayam : (adohh abis kita dia so pernah makang le itu)
Alo: "Ngana m tipu pa kita kang, ini tombong kalapa kang kong ngana pilox !!! "
(END)


► BAKU PIARA

KEKE : "Utu tempo apa dang ngana mo kaweng pa kita, so malo kita orang lia lia so ba tinggal deng ngana? Bulan Oktober jo neh !"
UTU : "Oh ... nemboleh no! soalnya kita ada banya urusan dikantor bulan Oktober"
KEKE : "Kalo bagitu November jo dang."
UTU : "Adoh... kasiang jo pa ngana..... November kita mo ada pelantikan kenaikan pangkat"
KEKE : "Oh kalo bagitu Desember jo neh... biar rame"
UTU : "December kua talalo rame karna hari Natal, sabar jo... nanti January taong datang"
KEKE : "Oh... jangan January bahaya... ngana mo geger otak..."
UTU : "Dari mana ngana tahu... tukang ramal so ngana?"
KEKE : "Kita bukan tukang ramal... maar kalo so' bulan January kita mo beking picah deng botol ngana pe kapala..."
UTU : "!!/$@#?!!!"


► ARTI KATA KANIBAL

Alo : "Hei...Utu, ngana tau apa arti kata kanibal ?"
Utu : "Nintau noh..."
Alo : "Kalu bagitu skarang kita mo tanya pangana, kalu ngana makang ngana pe mama deng papa, orang pangge apa dang pa ngana ?"
Utu : "Yatim piatu noh..."


► PARTAI KE 49

Utu deng Ola ada bacirita serius soal pemilu yang lalu.
Utu : "Eh..Ola..ngana tau nyandak, kalu sebenarnya jumlah partai yang mo iko pemilu kalamaring bukang cuma 48, maar ada 49. Cuma tu satu nyanda dapa kase izin iko pemilu"
Ola : "Apa so tu partai itu ?"
Utu : "Partai Perempuan Indonesia"
Ola : "Kiapa kasiang dorang nyanda dapa kase iko pemilu?"
Utu : "Dorang nyanda dapa kase iko lantaran dorang pe lambang partai"
Ola : "Apa so dorang pe lambang partai?"
Utu : "Tantu katu lambang parampuang noh..!"
Utu : "Untung panitia pemilu nyanda kase ijin for dorang mo iko pemilu, kalu nyanda, samua pemilih laki-laki pasti cuma suka mo cucu tu partai itu"
Ola : "Bicara lagi lei ngana ta lempar deng sloop...!"


► KASE MASO ULANG

Pulang dari greja, om Utu pe dua mata bangka deng' biru merah, sampe de pe istri kage skali...
Kong om Utu pe istri, tanta Mintje tanya "Utu, kiapa sampe bagitu tu' mata ?"
Om Utu : "Tadi kwa di greja samantara manyanyi, tiba tiba ada cewek fasung maso deng rok pendek skali, maar de pe rok dang', ada tamaso kadalam pa de pe panta, karna dia badiri pas pa kita pe muka, jadi kita hela akang de pe rok supaya rapi dang..., maar tu' cewek malah 'da tinju akang kamari 'tu mata sablah kiri..."
Tanta Mintje : "Maar, kiapa 'tu mata kanan bangka dang...?"
Om Utu : "Karna kita kira dia nyanda' suka 'da hela de pe rok, kong terpaksa kita kase maso ulang tu rok kadalang..., kong dia tinju tu mata sablah..."


► DEPE NAMA NANGKA

Ada ini sopir mikro (angkot) jurusan Aermadidi-Kauditan orang Advent (aliran agama Kristen yg melarang makan babi). Waktu ba muat penumpang di hari pasar Aermadidi, ca' so bilang memang pa calon penumpang, nimbole muat boke (babi) pa depe oto.

Datang ini oom bawa karong kong dia iko muat di oto. Tu sopir yang curiga langsung batanya, "Apa di dalam karong, oom?" Itu oom langsung
manyao, "Nangka."

Lantaran oto langsung fol (penuh) waktu itu oom nae, jadi sopir langsung berangkat.

Oto so bajalan agak jao kong tu karong rupa ba bagerak. Sopir langsung ba tengo ke belakang. "Oom! Ada bagerak tu karong tadi?". Oom bilang, "Nyanda egh! Cuma sopir p perasaan itu."

Lanjut perjalanan. Pas sampe di Kaima ada jalan lobang kong oto ta tada di jalan lobang. Tiba-tiba dapa dengar bunyi "Grrok.. Uikk.." dari arah karong, kong jelas-jelas dapa lia itu karong balumpa. Sopir langsung brenti kong ba marah pa oom.

Sopir: "Boke itu kang?"

Oom : "I-iyo..."

Sopir: "Tadi kwa bilang nangka!! Ba towo (dusta) oom ini egh!"

Oom : "Nyanda eh! Ini boke pe nama Nangka!"


► SAPI LEBE BERGUNA

Di kampung di Manado ada Oma deng opa tinggal dirumah khas manado yaitu rumah panggung.

So malam oma deng opa tidor, kong tiba-tiba oma rasa pipis, lantaran so malam oma so malas mo turun ke wc dibawah rumah panggung terpaksa oma ke dapur.

Didapur ada lubang kecil antara papan lantai kong oma langsung ba jongko di situ kong pipis.

Rupanya di bawah rumah panggung tadi sore opa ada ika akang sapi, trus waktu oma pipis pas kena sapi pe kapala.

Sapi langsung bajilat tu aer pipis kong dia cari dari mana itu aer sampe dia dapa langsung tu sumber aer pipis kong dia jilat trus sampe bersih tu berdiri kong bale ulang ka kamar.

Pe sampe dikamar opa so batunggu pe lama kong opa ba marah...

Opa : "Kiapa kong pe lama skali tu ba pipis?"

Oma : "Haa... Badiam situ ngana, so sapi lebe berguna dari ngana.

Opa jadi bingo lantarang oma bilang bagitu.


► KITA NYANDA LIA NOH

Di suatu malam yang sunyi dan senyap ada tu tiga orang pokpok (setan yang biasanya makan bayi atau oroknya) da bacarita mo cari tau sapa da lebe jago.

Pokpok1 : "Eh,coba torang tiga baku uji sapa dang yang lebe jago."
Pokpok2 & Pokpok3 : "Boleh,ngana pe kira torang mo tako"

Kong sudah dorang tiga mulai baku suten(suit) sapa yang te dapa bagian pertama.Nah,ini pokpok1 dapa bagian pertama for kase tunjung tu jago.

Dia langsung tarbang secepat kilat,nda lama baru 2 menit dang dia so bale ulang sambil dari depe mulut da kaluar-kaluar darah segar,kong dia bilang pa depe tamang laeng,

Pokpok1 : "Ngoni da lia itu desa di sana?"
Pokpok2 & Pokpok 3 : "Iyo..."
Pokpok1 : "Samua rata,kita so kase abis!" (Sambil ta tawa puas)

Pokpok2 nda mo kalah,kong dia langsung tarbang lei secepat kilat,nda lama barang 3 menit dia so bale sambil dari depe mulut,deng depe tangan badarah-darah segar.Trus dia langsung pamer pa depe tamang-tamang.

Pokpok2 : "Ngoni da lia tu kota di seberang itu?"
Pokpok1 & Pokpok3 : "Iyo....."
Pokpok2 : "Samua rata,kita so makang dorang samua!" (Sambil ta tawa puas)

Pokpok3 lei nda mo kalah, kong dial langsung tarbang macam tu kilat.Mar nda lama 1 menit kemudian dia so bale tapi depe mata,idong,mulut,deng depe baju kaluar darah segar.

Dua Pokpok laeng pe dalam hati "pe mai dia lebe jago dari torang dua e".Kong ini pokpok3 tanya pa depe tamang-tamang

Pokpok3 : "Ngoni dua lia tu tiang listrik di perempatan sebelah?"
Pokpok1 & Pokpok2 : "Lia...."
Pokpok3 : "Pe mai kita nya liat" Selengkapnya...